Alé Bulåggna – Zirudèla ed bån Nadèl

Zirudèla ed bån Nadèl

dû o trî quî a san eṡenzièl

al lȗṡ d’la fèsta par al strè

ch’i dònan żòja e felizitè

socuànt regél e la meravajja

par stèr insàmm, tótt in famajja

E pó i bancàtt in Santa Luzî,

e in fèn al bån ân e l’Epifanî.

I żampugnèrî i’en stòria vetòsta

mo mè a san bulgnaiṡ e ai ho d’l òssta

al côsi d’na vôlta a tàng a mänt

pur rischiànd l’inbarbajamänt.

Anc par al tafièr l’è famåuṡa Bulåggna

e sti dè qué a la panza pòrtan scalåggna

turtlèn, zanpàn, cudghèn e brazadèla

da digerîr i en brîṡa ‘na bagatèla

sänper vstè in råss e bló mo sänza fèr la pasarèla

tòc e dai la zirudèla!

Se vi piace il dialetto e siete curiosi di conoscere modi di dire e locuzioni particolari, recuperate le altre puntate di Alé Bulåggna.

Continua a leggere le notizie di 1000 Cuori Rossoblu e segui la nostra pagina Facebook